Header_noHoesorde.png

De 'meejking of'

In de 'meejking of' naeme veer uch mit 'biehajnt de sieens'. Zo kinne alle kienjer van Remunj zeen waat veer belaeft höbbe. Nuuj, sjpannend en altied weer angers. Waat höbbe veer plezeer gehad. Eindelik mooge veer 't mit uch deile! 

Jeugdprins Van Den Uul 036.JPG

Prinsemuts

Ein échte Prinsemuts kinse neet zomèr urgens kaupe. D'n Uul vertelde ós euver ein geheime lokasie .... wiet weg. Net es Harry Potter kwame veer noa lang zeuke in ein klein touveregtig winkelke.

Hoesorde

Ein Hoesorde... same bedinke waat dao op mot kómme en dan eemes laote fiespernulle. Vervolgens nao de drukker en dan ein paar aovende same tuikes knuipe en teskes vulle... 

Rokkestuumke

En veer moste netuurlik auch ein sjoon pekske aan. Det neume ze eine 'rok' en det waar effe sjrikke. Veer drage alle drie namelik 't leefs ein boks, en geine rok. Maar 't is toch allemaol good gekomme!  

Fotosjoet

Biej de fotograaf moste veer sjteeds nao 't veugelke kieke. Dan gaon driej Uulkes netuurlik nao zichzellef kieke.

't Doerde efkes veurdet veer 't begrepe... Maar toen zeen 't waal supersjoon plaetjes gewaore!

Karpoelkaraoke mit DJ Admin!

‘t Oetrope en insjtallere van de Sjtadsjeugprins mit zien adjudante is op ins geplent in de Foroxity, mit al die filmzale. Zolle veer dan wellich Jeugprinselik gezelsjap én filmsjterre tegeliek kinne waere...? Det zeen 2 megavleege in ein klap. Det duit ós neemes meer nao ... dao kins se allein maar van druime! Same mit drie angere sjterre ginge veer op avontuur: Vors Dirk, DJ Admin én Opa!

Manzjetknuip

Veer zeen enorm verwend... en höbbe prachtige manzjetknuip gesjonke gekrege, es blievend aandinke aan dit avontuur. Kiek mit ós mit wie die gemaak zeen:

Header_noHoesorde.png

JOEPIIIE
't is weer vastelaovend!

D'n Uul_Jaarmotto 2022_DEF.png